Auzokoekin elkarlanean
Beheko auzoko garajeetako arazoari irtenbidea emateko akordio batetara iritsi zen Udala bertako bizilagunekin. Hala, iraileko osoko bilkuran, Udalak bere gain hartuko dituen konponketak finkatzeko proposamena onartu zuten –Bilduren eta EAJ alderdien aldeko botoei esker–. "Bizilagunak eskatuta elkartu egin ginen eta aparkalekuetan dauden itogin arazoei irtenbidea bilatzea adostu genuen. Geure ardurak eta euren ardurak non dauden mugatu genituen; hala bakoitzak non jardun behar duen garbi izateko. Orain guri dagokigunez, itogin horiek konpontzeko lanak egin ditugu: ura batu aparkalekuetara ez sartzeko", azaldu digu Iñaki Yarza Hirigintza zinegotziak.
Behin konponketak eginda, eta arazoari irtenbidea emanda, berriro parkea berreskuratzea nahi du udalak eta umeendako ziburuak jarriko ditu.
Construcciones Pera enpresak, aste betean egin ditu beheko aparkalekuko konponketa lanak. Bertako langile batek azaldu digunez, garbiketa lanak egin eta margotzea bakarrik falta da lanak guztiz bukatuta izateko egun gutxi barru.
"Ura batu eta bideratzea zen helburua eta lortu dugula uste dugu", azaldu digu Iñaki Yarza Hirigintzako zinegotziak. 9 eta 10 mila euro bitarteko aurrekontuaz kontatu du Udalak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak