Aipatutako proiektuen artean, dagoeneko Udalak martxan dituenak ere badira. "Hau bide berdinetik goazenaren seinale da", dioete. Udalak ere parte-hartze hau urte guztira ireki nahi du, batzordeak indarberrituz.
Arlokako batzarrak
Hilaren 19an, 21ean eta 22an egingo dira, Olaranen 18:30ean. Asmoa da 2013ra begira lehenetsi nahi diren proiektuak denen artean zehaztea. Hala, astelehenean, Kultura eta euskara arloak landuko dira; eguaztenean, Gazteria, kirola, hezkuntza eta ongizatearen arloen txanda izango da; eta eguenean, azkenik, hirigintza, nekazaritza eta ingurugiroaren arloak landuko dira.