"Erakusketa Itziarren iniziatibaz jarri dugu abian, eta momentuz, lehena Antzuolan soilik jarriko duguna da", azaldu digu Pili Azkaratek. Azkarate azken aldian akuarelekin dihardu lan egiten; gehienetan paisaiak margotuz. Azkargorta aldiz, ilustrazioak egiten ari da, baina baita akrilikoan lanak egiten ere. Iraegi eskulanetan eta berreskuraketa lanetan ibiltzen da gehien bat. Murguizuk marrazketa lantzen du, besteak beste erretratuak egiten ditu.
Pili Azkarate, Itziar Murguizu, Maite Azkargorta eta Koro Iraegi bergararren lanak ikusgai izango dira datozen bi asteburutan. "Lau ikuspuntu dira, bakoitza bere kasa gabiltzalako", azaldu digu Pili Azkaratek. Hala, asteburuan, Bergarako lau emakume artistaren lanak erakutsiko dira Olaranen: olioak, pastel pinturak, akrilikoz zein arkatzez egindako pinturak; baita, altzari dekorazioa eta berritze lanak ere. Zapatuan eta domekan: 18:30-20:30, Olaranen. Azaroaren 17 eta 18an ere ordu berdinean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak