Aspeko pilotariari iritsi zaio ondo moldatzen den txapelketan parte hartzeko ordua, onenekin neurtzeko ordua. Afizionatu mailan, besteak beste, Elgetan eta Bergaran erakutsi izan du Lau t'erdia dela bere txapelketa, hori dela bere neurria. Eta profesionaletara salto egindakoan berretsi zuen hori, bigarren mailako Lau t'erdikoa irabazita.
Iaz bigarren mailako Lau t'erdiko txapelketa irabazi ostean Aitor Mendizabalek onenekin jokatzeko txartela lortu zuen. Onenekin, laster hasiko duten lehenengo mailako Lau t'erdikoan. Antzuolakoak dio zozketan ez duela aparteko faboritorik, tokatzen zaionarekin gustura jokatuko duela, ondo daki-eta edozein kontrario izango dela gogorra.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak