Hala, prozesua bi fasetan banatuko da. Lehena etxez etxe banatuko den galdera sortan oinarrituko da; bertan herritarren lehentasunak zeintzuk izan daitezkeen ondorioztatuz. Lehen fase hau urriaren 24an, arratsaldeko 19:00etan Torresoroan egingo den ondorioen aurkezpenarekin amaituko da. Ondoren, arlokako bilerak egingo dira. 2013ra begira egin nahi diren ekintza, plan eta abarren lehentasunak zehazteko.
Arlo ezberdinetako bilerak: azaroaren 5ean gazteria, kirola eta hezkuntza; 7an, hirigintza, ingurugiroa eta nekazaritza eta 8an, kultura eta euskara. Herritarrei zabalik daude batzarrak eta denak Olaranen egingo dira arratsaldeko zazpietan.