Batetik, San Antonio-Antzuola kable sareko korredoreak garbitu eta zabaltze lanak aurreratuko dituzte eta legearen arabera utzi egindakoa. Lehenbailehen exekutatzea da enpresaren asmoa eta sei-zortzi hilabeteko epean egin, mozketak gutxituz. Bestetik, Gorlako alternatiba automatizatu nahi du Iberdrolak. Hau da, Antzuolak, argi indarra Bergarako San Antoniotik jasotzen du, eta sare hau erortzean, Gorlatik beste sare bat ipini zen. Hala, argi indarra ez datorrenean San Antoniotik, Gorlakoa konektatzea bi edo hiru ordu kostatzen da, eskuz egiten delako. Iberdrolak planteatzen duena da sare konexio aldaketa hau automatizatzea telemando bitartez. Asmoa da modu horretan 10-15 minututan argi indarra berreskuratzea, batetik edo bestetik. Honen aurreikuspena hurrengo negua da.
Udalak kaleratutako oharrean azaldu du ontzat hartzen duela Iberdrolaren erantzuna, eta zain geratzen dela inbertsio honen emaitza positiboak lehenbailehen ikusteko.