Urteroko ohiturari jarraituz, aurten ere sagar-dantza lehiaketa egin dute Kalebarrengo jaietan. Bikote askok hartu zuten parte eta azkenean bi bikote geratu ziren: Edurne eta Lander, eta Itsaso eta Markel. Bankuaren gainetik bigarren aldiz pasatzerakoan erori egin zitzaien sagarra Edurne eta Landerri, eta Itsaso eta Markel izan ziren garaile.
Jende asko erakartzen duen beste ekintzetako bat arbola jasotzea izaten da. Aurten ezusteko bat baino gehiago izan dituzte. Izan ere, tira egiteko soka puskatu zen eta, altura gutxitik bada ere, lurrera erori zen arbola. Azkenean, baina, lortu zuten jasotzea.
Gaur, domeka, izango da jaietako azken eguna. Arratsaldean 18:00etan Tatxin eta Potxin pailazoak egongo dira eta 19:30ean, jaiak bukatzeko, asto karrera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.