Elkartetik balorazio ona egin dute. Jendearen parte-hartzea oso ona dela azpimarratu gura izan digute. "Jendeak oso ondo erantzuten du antolatzen diren ekintzetan: antzerkietan, hitzaldietan, meriendetan... Egunero 20 bat lagun izaten da elkartean; domeketan gehiago, kina egiten dugu-eta", azaldu digu Anastasi Gabilondo elkarteko idazkariak. Urteko batzarrean, iazko akta eta egindako ekintzen memoria irakurri zuten. 2012rako aurrekontua eta ekintzak ere onartu zituzten. Diru kontuei dagokienez, tabernakoa nabarmendu zuten. "Tabernan boluntarioei esker, ez dago gasturik eta irabaziak ditugu. Zerbitzu ona eskaintzen da gainera", gaineratu digu Gabilondok.