Aurtengo Debagoieneko Dantzari Eguna apirilaren 21ean egingo da

Urtero ibarreko herri ezberdinetan ospatzen da Dantzari Eguna. Hasieran, zazpi herritan egiten zen jaia, egun, lau herritan egiten da: Arrasaten, Oñati, Aretxabaletan eta Antzuolan. Azkenengoz, orain dela lau urte egin zen Antzuolan Debagoieneko Dantzari Eguna. Aurtengo jairako antolakuntza lanak abian direla azaldu digute Oinarin dantza taldeko kideek. "Dantzari eta txistulariak batuta, 150 lagun inguru elkartuko gara Dantzari Egunaz gozatzeko", aurreratu digute ilusioz. Lore Gazteak, Oñatz, Oinarin eta Lagun Artean taldeen dantzak, besteak beste ikusgai, hilaren 21ean.