Antzuolaren eta Aiherraren arteko senidetzeak ia baditu 30 urte eta askoz gehiago izan ditzan hazia ereiten jarraitzea erabaki dute bi herrietako ikastetxeek. Horrela egin diete gonbidapena antzuolarrek aihertarrei gaur herrira etorri eta eguna elkarrekin pasatzeko.
Goiz erdian iritsi dira Iparraldekoak, 13 neska-mutiko bi irakaslerekin.
Zain zituzten jolasleku bete ume eta hauetako batzuk trikitixarekin ere bai. Aurreskua egin diete eta kopla batzuk abestu. Pantxike Arin Antzuolako eskolako zuzendariak eta Inma Beristain alkateak bi berba egin dituzte ondoren.
Antzuolar eta aihertar ume, elkar hobeto ezagutzeari eta batera jolasteari ekin aurretik hamarretakoa egin dute Iparraldekoek, eta senidetzearen gaineko liburua jaso dute opari alkatearen eskutik.