Urtezahar eta Urteberri egunetan herritar askok egin ditu mendi irteerak inguruko mendi gainetara: Aizkorrira, Aloñara, Udalatxera, Arrolara, Anbotora, Arrolara, Intxortara… Argazkian ageri den Antzuolako koadrilak argazki sorta ederra bidali digu, Urteberri egunean ateratakoa. Izan ere, ohiturari jarraituz, Arrola gainera irteera egin zuten hainbat antzuolarrek urteko lehen egunean. 24 laguneko koadrila izan zen handiena.
Arrolako gaina hartu ostean, Argileku txabolatik 90 bat lagun pasa ziren (txirrindulariak tartean). Kontatu digutenez, txistorra eta salda goxoa hartu zuten, gainera.
Inguruko beste elkarte batzuetan ere, Gorlakoan, esaterako, salda eta txorizoa banatu zituzten mendizaleen artean. Urbiako fondan ere jende dezente batu zen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.