Olentzeroren jaitsiera
Iluntzean, 18:30ean iritsiko dira herrira Olentzero eta Mari Domingi; San Josetik behera etorriko dira, argi-zuziekin. San Josepetik plazara egingo dute kalejira Olentzero eta Mari Domingik, txistulariekin batera.
Euririk ez bada, plazan egingo da ekitaldi nagusia. Bertan ongi-etorria egingo zaie Olentzero eta Mari Domingiri. Dantza egingo diete Oinarineko dantzariek eta bertsoak abestuko dituzte 6. mailako ikasleek. Mari Domingik egingo du berba Horra Mari Domingi abestiaren ostean eta zenbait herritarrek eskaerak egingo dizkiete bi protagonistei. Iratxoak ere etorriko dira Olentzero eta Mari Domingiri laguntzera eta beraiek jasoko dituzte antzuolar guztien eskutitzak. Hator hator kantua abestuz bukatuko da ekitaldia. Luntxa eskainiko dute Ez Dut Moztuko Bizarra taldeko kideek.
Gabon kantuan, baserriz baserri
Eskubide zibil eta politikoen alde egiteko taldea sortu da herrian: Ez Dot Moztuko Bizarra. Herrian egingo duten lehen ekintza izango da Gabon kantuan irtetzea. Goizeko 8:00etan batuko dira plazan baserriz baserri kantuan egiteko; Olalden bazkalduko dute. 16:30ean umeendako jolasak eta eskulanak egingo dituzte Zurrategin.