Azaroko lehen aste bukaeran izandako euri-jasen ondorioz Lizarraga auzorako bidean lur-jausia izan zen eta erori egin zen kaminoaren zati bat. Egoera arriskutsua zela eta presazko lana egin behar izan dute.
Valen Moñux udaleko Hirigintza teknikariak azaldu digunaren arabera, harri-lubeta egin dute erreka aldean eta kaminoa sendotzeko asfaltoa beharrean hormigoi armatua bota dute. Lan horiek eginda, kaminoa sendotzeaz gain zabaldu ere egin dute.
Lan horiek guztiak egiteko 18.000 euro gastatu ditu udalak. Orain Foru Aldundian aurkeztu dute egindako lana, diru-laguntza jaso ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.