Aspaldion Antzuolan gertatu diren lapurretak direla eta, batzarra egin dute udaleko ordezkariek eta Ertzaintzak. Lapurretak saihesteko zenbait aholku eman dituzte ertzainek eta herritarrei horien berri zabaldu nahi izan die udalak: etxeko ate nagusia beti giltzaz itxi bi buelta emanda; etxabeetan biziz gero gauetan pertsianak itxita laga; eta atea ez zabaldu txirrina jo duena zein den jakin barik.
Horrez gain, inguruan jende ezezaguna edo auto susmagarriren bat ikusiz gero, matrikula-zenbakia hartu eta herriko aguazilari edo Ertzaintzara deitzeko aholkua eman dute. Hauek dira telefonoak: aguazilarena, 630 455 663; Bergarako ertzain-etxearena, 943 53 47 20.
Lapurreta kasu asko izan dira aspaldian herrian. Azken lapurretetan eskolatik 25 ordenagailu eraman dituzte, besteak beste; Mujika harategian dirua lapurtu dute; eta Untzarri baserritik, berriz, makineria eraman dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.