Gaur, egubakoitza, 20:00etan hasita Ataungo pilotalekuan jokatuko dute Mendizabalek eta Albisuk. Eta kontuak garbi daude: Antzuolako pilotariak partidua irabazten badu finalean izango da, baina baita partidua galdu arren 17 tantotara iristen bada ere.
Kontrara, Albisu finalean egoteko ez da nahikoa Mendizabali irabaztea; 16 tantotan utzi beharko du Antzuolakoa. Hala, egoera horrek ez du kalkulagailuaz kantxaratzeko aukerarik ematen, hil ala bizi kantxaratuko dira biak.
Azkena, ondo sufrituta
Beste partiduan ia aukerarik ez duen Ongayk Lemunoren kontra jokatuko du. Hain zuzen, Antzuolakoak gogotik sufritu zuen joan den egubakoitzean, etxean bertan, Lemunoren kontra. 11-21ekoaz bazirudien Lemunok amore emango zuela, baina 21-21 egon ziren (21-22).