Joan den domekan Errioxan mendi-irteera egin zuten Arrolako mendizaleek. Urizaharrara (Pelacerrada) joan ziren eta handik Ribasko porturaino, bertatik oinez ekiteko. Pista, pagadi, zelai eta harkaitzak zeharkatuz iritsi ziren Toloño gainera.
Toloño gainetik iparraldera Anboto, Gorbea, Udalaitz, Aizkorri eta Aralar ikus zitezkeen, eta hegoaldera berriz gorriz jantzitako mahastiak. Eguraldi "zoragarria" izan zuten eta "giroa mundiala", Arrolakoen esanetan. San Gineseko parkera (Biasteri) jaitsi eta bertan bazkaldu zuten.
Arrolaren Picasako kontuan dituzue ibilaldiko argazki gehiago.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.