Ordutik, askotariko enpresa eta erakundeek urrats bera egin dute, eta, "denon artean, lan-munduan ere tokia egin diogu euskarari" dio Elhuyarrek. Beraz, "bada ospatzeko arrazoirik". Baina, era berean, egindako bideaz "hausnartzeko ordua" iritsi dela ere badiote.
Elhuyarren ustez, 20 urteotan errotik aldatu da lan-munduko errealitatea: "euskal enpresa eta erakundeak gero eta gehiago aritzen dira tokiko merkatu eta eremuetatik kanpo, mundu mailako agertokian". Eta, horren ondorioz, egoera aldatu egin da Elhuyarren ustez: "lehen euskararen kudeaketa zen gure ardura nagusia; orain, berriz, hizkuntzen kudeaketaz hitz egin behar dugu".
Elhuyarrek 20. urteurren hau ospatu eta, era berean, gaur egungo erronkak "zein diren eta nola erantzun diezaiekegun" aztertu nahi du. Bilboko Euskalduna Jauregian egingo du hori, oraingo egubakoitzean.
Besteak beste Anaje Narbaiza bergararra, Antzuolako Elay enpresaren ordezkaria izango da jardunaldi horretan.
Hemen, egitarauaren eta izen.ematearen gaineko informazio gehiago.