Armarria-sinboloa egiteko Kudeatuz prozesuko baloreak hartu behar dira kontuan. Hauexek dira:
1- Euskara / Herri euskara
Antzuolako euskararen berezitasuna. Gipuzkoan kokatutako herri batean bizkaieraren kutsua nabari da. Herrian hitz egiten den euskara nolabait mantendu eta babestu beharra ere aipatu zen.
2- Antzuolartasuna
Antzuolarrak garenaren baieztapena. Autoafirmazio sentimendua. Bergara eta Zumarraga artean kokatzen den herria izaki, herri txikiagoa, baina besteen aurrean harrotasun bereziarekin antzuolarra izatearen inguruan.
3- Alardea
Beste herrietan Antzuolaren inguruan ezagutzen den festa da. Herriaren historiarekin lotuta. Gainera, betiko herritarrek eta herrian denbora gutxiago daramatenek ere parte hartzen dute.
4- Herri sentimendua
Herri giroa, herri bizia, herri txikia, denak elkar ezagutzen direnaren sentimenduak. Bigarren balorearekin lotura du eta osagarria litzateke.
5- Elkartasuna herri mailan
Egoera konkretuen aurrean herritarrek elkarrekiko erakutsi izan duten eta erakusten duten laguntza. Adibidez. Antzuola- Aiherra 20 urte, Mundumira, Alardea,..
6- Boluntariotza
Herri txikia izaki, jarduera ezberdinak aurrera ateratzeko boluntariotzak indarra izan du.Adibidea: Mundumira jaialdia, hainbat eta hainbat herritarren parte-hartzearekin aurrera atera zena eta bestela ez zena horren arrakastatsua izango. Aurreko balorearekin lotura du eta osagarria litzateke.
7- Gertutasuna
Ia denak elkar-ezagutzea, kalean jendea bere izenez ezagutzea eta agurtzea. Laugarren balorearekin lotura du.
8- Ekintzailetasuna
Antzuolan ekimen berriak martxan jartzeko egon den ausardia, enpresa berriak sortzeko, erronka berrien aurrean aurrera egiten jakitea.
9- Herriko jaien zaleak
Herri giroa egonik, herriko jaietan parte-hartzen dutenak eta gustoko dituztenak.
10- Solidaritatea
Herritik kanpo gertatzen diren egoeren aurrean erantzuten dakitenak, bereziki 3. munduarekin.
11- Herri langilea
Bertako herritarrak langileak izan direla. Lotura du 8. balorearekin.
12- Natura
Herria bera kokatua dagoen inguruneak duen balorea.
13- Generazio arteko gertutasuna
Generazio ezberdinetako pertsonen artean egon den harremana, elkarrekin ekimenak aurrera eramateko, hitz egiteko edo festetarako. Lotura du 7. balorearekin eta herri txikia izatearekin.
14- Sorgin dantza
Berreskuratu den jaia.
15- Ohitura zaharrak errekuperatu
Ohitura zaharrak errekuperatzeko egon den gaitasuna. Lotura aurrekoarekin.
16- Makila txiki dantza
Lotura aurrekoarekin. Herriko ondare ukiezinarekin lotura.
www.antzuola.com webgunean dituzue oinarriak.