Lazkaoko 29 urteko langilea larri zauritu zen astelehenean, Antzuolako AHTren obretan lanean zegoela. Ordutik, Donostiako ospitaleko zainketa intentsiboetako unitatean dago, eta hanka ebaki behar izan diote.
Barne Sailak jakinarazi duenez, lan istripua 08:40ean gertatu zen Antzuolan, GI-632 errepidetik gertu egiten dabiltzan AHTren lanetan. Makina astun baten zati bat askatu zen eta Gruas Usabiagan lan egiten duen D.M.C lazkaotarraren gainean jausi zen. Donostiako ospitalera eroan zuten, eta jarraian ebakuntza gelan sartu bazen ere, ezkerreko hanka moztu behar izan zioten. Osalan gertatutakoa ikertzen dabil orain.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.