San Bartolome egunak, antzina bazuen garrantzia antzuolarren egutegian eta gaur egun oroigarria dagoen tokiaren atzean Antzuolako hilerri zaharra eta komentua zeuden.
Ermita bera, orain okindegia dagoen tokian zegoen baina geratzen den bakarra eguaztenean, San Bartolome egunean, jotzen duten kanpaia da. Kanpaia bera 1859koa da. Migel Jauregik 30 urte baino gehiago darama ohitura horrekin, behin ere ez huts egin barik. Ermita bota zutenean zinegotziak eman zion kanpaiaren mihia. Urte guztian zehar, bestela, hutsik egoten da kanpaia. Ermita aspaldi bota bazuten ere, ondo gogoan dauka lehen San Bartolome eguna egun handia zela Antzuolan orduan hasten baitziren herriko jaiak.
XVIII mendeko komentua zegoen Bidebarrieta inguruan eta 1978an bota zuten. Ermitan bazegoen San Bartolomeren irudiarekin eta kontu zaharretan esaten dutenez gurasoek kandelak ipintzen zizkioten irudiari eta hankan min eman haurrek oinez ikas zezatela eskatzeko.