Mendizabalek Iñigo Pascual izango du bikote –jaialdiko bigarren partidua izango da Mendizabalena– eta Aritz Lasaren eta Kepa Peñagarikanoren kontra jokatuko dute.
Pilotalekua bete
Antzuolakoaren debuta ikustera Zarautzera joan ziren herritar mordoa ikusita, zalantzarik ez dago egubakoitz iluntzean sekulako giroa izango dela Antzuolako pilotalekuan, betekada espero da.
Antza, jaialdia bertatik bertara jarraitzeko zenbat ordaindu behar den adierazi aurretik Aspeko antolatzaileek pilotalekuan zenbat leku dagoen ikusi nahi izan dute, eta sarrera barik geratzen direnek ETB1 katean jarraitu beharko dute lehia, zuzenean. Lehenago izango den partidua zehaztu barik dago.