Arizbataldeko jaialdi barruko lehen partidua jokatu du Ceciliorekin bikote, Apezetxea eta Arrutiren aurka. Urduritasuna albora utzi eta hasieratik jarri dira aurretik (8-0). Poliki-poliki, baina, Apezetxea eta Arruti ere partiduan sartzen joan dira eta tantoak egiten hasi. Mendizabal eta Cecilioren akatsak ere etorri dira gero, berdindu arte (14-14).
Berdinketa horrekin, baina, suspertu egin dira Mendizabal eta Cecilio eta handik aurrera ez dute aurkaririk izan kantxan. Bata bestearen atzetik egin dituzte tantoak 22ra iritsi arte; tanto ederrekin gozatzeko aukera izan dute, gainera, Zarautzen elkartutako pilota zaleek.
Lanean jarraituta erakutsi
Pozik eta gustura egin digu harrera antzuolarrak partidu bukaeran, "ondo hastea garrantzitsua da eta". Hala ere argi dauka lehenengo partiduarekin bakarrik ezin dela ezer erakutsi eta lanean jarraitu behar dela: "Ea hemendik aurrera ere gaurko antzera doazen kontuak".