Ogasuna eta pertsonala
Batzordeburu: Mikel Jauregi
- Kideak: Inmaculada Beristain, Mª Eugenia Arrizabalaga
- Teknikariak: Ana Belen Hidalgo eta Mikel Gotzon Larrea
Hirigintza eta zerbitzuak
Batzordeburu: Iñaki Yarza
- Kideak: Mª Eugenia Arrizabalaga, Eliseo Garcia, Carlos Urrestarazu, Inmaculada Beristain
- Teknikaria: Valen Moñux
Kultura
Batzordeburu: Maddi Elorza
- Kideak: Mikel Lete
- Teknikaria: Jone Larrañaga
Kirola
Batzordeburu: Aritz Saidi
- Kideak: Mikel Lete
- Teknikaria: Jone Larrañaga
Hezkuntza
Batzordeburu: Inmaculada Beristain
- Kideak: Mª Eugenia Arrizabalaga
- Teknikaria: Jone Larrañaga
Gazteria
Batzordeburu: Aritz Saidi
- Kideak: Mikel Lete
Euskara
Batzordeburu: Inmaculada Beristain
- Kideak: Mª Eugenia Arrizabalaga
- Teknikaria: Lierni Legorburu
Osasuna eta gizarte-ongizatea
Batzordeburu: Nagore Dos Santos
- Kideak: Mikel Lete, Eliseo Garcia, Carlos Urrestarazu
- Teknikaria: Karmele Korta
Nekazaritza eta ingurugiroa
Batzordeburu: Santi Etxezarreta
- Kideak: Iñaki Yarza, Mikel Lete
- Teknikaria: Marijo Garitano
Parte-hartzea
Kideak: Inmaculada Beristain, Iñaki Yarza, Mikel Jauregi, Maddi Elorza, Mikel Lete
Alkatearen dedikazioa eta soldata
Osokoan onartu zutenez, alkateak 8 orduko lan-jarduna izango du egunero eta 1.300 euro neto kobratuko ditu.
Puntu honetan, EAJko Mª Eugenia Arrizabalagak galdetu zuen ea zergatik kobratu behar zuen oraingo alkateak aurrekoak baino gutxiago. Inma Beristainek erantzun zuen taldean hartu dituzten irizpideen arabera finkatu duela soldata hori eta "nahikoa duela". Gaineratu zuen, gutxiago kobratu arren ez diola gutxiago dedikatuko herriari.
Bi lanpostu berri
Bestalde, udalean bi lanpostu berri sortzea ere erabaki zuten. 2007ko apirilean obra buruak istripua izan zuen eta ordutik hutsik egon da postu hori. Bestetik, 2008an obra eta zerbitzuetako peoia hil egin zen eta postu hori ere hutsik dago harrezkeroztik. Hala, hirigintzatik proposatu dute langileen profila aldatzea: 2 langileen jerarkiak berdintsuak izango dira, baina bati elektrizitatean aditu izatea eskatuko zaio.
Hala, udaleko plantila organikoan eta lanpostuen zerrendan aldaketak egin beharko dira. Aldaketa horiek GAOn argitaratu beharko dira eta behin onartuta, lehiaketa publikoa deituko dute.
Puntu hau bozkatzerakoan PSE-EEko Carlos Urrestarazu abstenitu egin zen, bere ustez ez zuelako aurretik informazioa ondo jaso; dokumentuak euskaraz bakarrik bidali zizkiotelako. Dokumentazioa gaztelaniaz nola helarazi aztertuko dutela esan zuten udal gobernukoek.
Jaien aurrekontua
Azkenik, jaien ohiko programa eta logistikarako aurrekontua onartu zen: 44.000 euro.