"Baliteke profesional bilakatuta egubakoitzeko partidurako presio handiagoa izatea", onartu digu Mendizabalek. Presio ederra hori, ametsa bete du-eta. Datozen hiru urteotan Asperen elastikoarekin jokatuko du, Irujo, Xala, Barriola eta konpainiaren enpresa berean. Eta, Zarautzen egingo du debuta, uztailean.
Hala, egubakoitzean esango dio Antzuolak agur amateur moduan jokatzeari, Elgetako Lau t'erdiko finalean: "Ezkurdia izango dut aurrean, amateur mailara iritsi berria da, eta ez nago seguru haren kontra jokatu ote dudan". Hala, Aspek aurreratu du Mendizabalek Zarautzen egingo duela debuta, uztailean: "Imajinatzen dut debutaren egunean urduri egongo naizena, oraingoz lasai nago".
Hiru urterako
Mendizabalek hiru urte izango ditu profesional moduan jarduteko gauza dela erakusteko, ez du dena lehenengo urtean erakutsi beharko, horrek sortzen duen presioaz: "Bai, gauzak polikiago eta lasaitasunez egiteko aukera ematen du horrek, baina aprobetxatzeko aukera da hau".