Zinegotzi kredentzialak eta ondasun eta bateraezin dokumentuak aurkeztu behar izan dituzte lehenengo zinegotziek. Ondoren adinekoen mahaia osatu dute: zinegotzi nagusiena Eliseo Gartzia, eta zinegotzi gazteena den Maddi Elortzak osatu dute mahaia.
Botoa ematerakoan akatsa
Behin hori eginda, bozketa egin dute. Alderdi bakoitzak zeukan zinegotzi kopurua kontuan hartuta ezustekorik ezin zitekeen egon; hala ere, eguneko anekdota Eliseo Gartziak izan du. Maria Eugeniari botoa eman beharrean Maria Inmaculadari eman dio. Hala, emaitzak geratu dira: Inma Beristarinek 8 boto; Maria Eugenia Arrizabalagak bi boto; eta, Carlos Urrestarazuk boto bakarra.
Osoko bilkura bete egin da
Aurreko udalbatzako hainbat zinegotzi egon dira gaur Udaleko osoko bilkuran. Horiez gain, zinegotzi eta alkate berrien lagunak eta familia artekoak ere egon dira gaurko ekitaldian. Txalo zaparrada batekin hartu duten denek alkate berria. Era berean, EAJko Maria Eugenia Arrizabalagak eta PSE-EEko Carlos Urrestarazuk hitza hartu dutenean han bildutakoen txaloak jaso dituzte.
