Pedro Iturbe alkateak berba egin zuen lehenengo:
- "Eskerrak eman nahi dizkiet herritarrei, eman didaten aukeragatik."
- "Zoriondu nahi nituzke 10 zinegotziak, ikuspegi ezberdina izan arren herriarengatik lanean zintzo jardun dutelako eta elkarlanerako puntuak bilatu ditugulako guztion artean."
- "Datozen zinegotzi berriek badakit herriaren alde lan egiteko zintzo eta jator jardungo dutela, eta seguru nago ondo egingo dutela."
Pilar Etxaniz Zutikeko zinegotziak egin zuen berba gero:
- "Saiatu gara ideiak pertsonengatik bereizten eta uste dugu elkarrekin lan egiteko moduko giroa izan dugula udalean."
- "Tamalez oraindik ez dugu lortu bizkarzainik gabe egotea bilkuretan. Espero dugu lehenbailehen ETAk bere desagerpena iragarriko duela."
- "Espero dugu udal gobernu berria benetan irekia eta plurala izango dela zentzu guztietan. Udal berriarekin kolaboratzeko borondatea azaldu nahi dugu."
- "Eskerrik asko udal langileei euren laguntzagatik."
Jose Mari Iturbe Aralarreko zinegotziak hartu zuen hitza gero:
- "Nekazaritza eta ingurumena bereziki zaintzen jakin dutelako eskerrik asko udalbatzari."
- "Zinegotzi guztiekin udalean egotea ikastaro aberasgarri eta berezi bat izan da."
- "Ondorengoei dirurik ez diegunez utzi, ateak zabalik uzten dizkiegu auzolanerako."
Paco Morcillo PSE-EEko zinegotziak ere berba egin zuen:
- "Bizi izan ditudan agintaldi guztiak izan dira ezberdinak eta guztiak aberasgarri izan dira. Guztietan ikasi dut asko bai positiboki eta negatiboki."
- "Udalbatzaren babesa izan dute proiektu gehienek eta hori positiboa da."
- "Bakeari dagokionez, espero dut momentu hobeak iritsiko direla."
- "Udalbatza berriari laguntzeko egongo gara ahal den guztian."
- "Eskerrik asko udaleko langileei."
Ikusleen artean, Juan Antonio Iturbek berba egin zuen Antzuolako ezker abertzalearen izenean.
- "Herri guztietan ez du agintaldi honetan ezker abertzaleak egoteko aukerarik izan, baina Antzuolan bai eta zorionak Antzuolan guztiek egindako ahaleginagatik demokrazia hori ejerzitatzeko."
- "Zorionak kudeaketa eraginkorra eta arrakastatsua egin delako."
- "Lagun bezala eredu izan zarete ezker abertzalearendako."
- "Denon artean ea jarraitzen dugun horrela."
Taldeko argazkia egin zuten gero.
