Lanak egiteko 25.000 euroko diru-laguntza jaso du Udalak Debagaraiatik; urriaren 21erako egin beharko dira lanak diru-laguntza hori jaso ahal izateko.
400 kv-ko lerro elektrikoa
Gueñes-Itxaso 400 kv-ko lerro elektrikoak Antzuolan izango duen eragina izan zen bilkuran eztabaidatu zuten beste gaietako bat. Hirigintza eta Zerbitzuen batzorde informatzaileak egindako erabaki-proposamenaren arabera, lineak eragin handiena izango du babes eta zaintza bereziko N1 eremuan. Linearen 600 metro babes bereziko eremu horren gainean doaz. Proiektuari alegazioak aurkeztea onartu zuten aldeko 7 boto (udal gobernua, Aralar-Zutik-EB eta PSE-EE) eta 3 abstentziorekin (EAJ).
Legealdia bukatzen ari denez, herriko bandera eta herri gutuna emango zaie zinegotziei, bilkuran aho batez onartu ondoren. Hurrengo ohiko osoko bilkura ekainaren 8an izango da.