Kadete mailan Elgoibarko eta Bergarako pilotariak iritsi dira finalera, eta euren arteko norgehiagokarekin hasiko dute pilota jaialdia. Lagunak-Elgoibar taldeko ordezkariak izango dira Garate eta Kortabarria; eta, Bergarako Gabilondo eta Diez izango dituzte aurrean.
Gazte mailan, berdin
Gazte mailan ere herri bereko ordezkariak iritsi dira azken txanpara, Bergara eta Elgoibar. Hala, Gallastegik eta Rezustak Iriondo eta Txurruka izango dituzte aurrean.
Eta arratsaldeko azken norgehiagokan, seniorretan, Antzuolak bikote indartsua izango du: Mendizabal –GRAVN irabazi berri du– eta Irureta. Bergarako Mugurutzak eta Jauregik izango dute Ozkarbiko pilotariak geratzeko ardura.