Hurrengo aste bukaerara begira, berriz, beste bi ekintza antolatu dituzte: bide-garbiketa eta konponketa, eta ibilaldia. Antzuolako biraren lehen etapa egingo da domekan, maiatzak 22; egun erdiko irteera izango da. Oñati bidetik Korosora igo eta handik Landarraitz, Azalditta, Trukarri, Mixo eta Ariztitik Antzuolara iritsiko dira. Irteera 9:00etan izango da Olaran parean; ez dago izena eman beharrik.
Bidea garbitzen
Zapatuan, maiatzak 21, Oñati bidea konpontzera joateko deialdia egin dute. Izena eman daiteke 635 20 58 41 (Iker) telefonora deituta edo maiatzaren 18an Olaranen, 19:00etatik 20:00etara. Hala ere, izena eman barik ere ager daiteke, 8:00etan, Goizper parean. Joan den zapatuan, zenbait herritar Azkaratetik Uzarragarako bidea garbitzen izan ziren, auzolanean.