Basherri egitasmoa Gipuzkoan sortu den ekimena da beste era batera kontsumitzeko. Barazki eta bestelako elikagaien auto-hornikuntzarako taldeak sortzen ari dira herriz herri; kontsumitzaileak herriko baserritarrekin harremanetan jartzea da helburua. "Gaur egungo elikagaien jatorriaz kezkatuta eta Euskal Herriko nekazaritzaren egoera kontuan izanda, kontsumitzeko beste aukera bat" proposatuko dute hizlariek.
Egitasmora biltzeko sortzen ari dira taldeak beste zenbait herritan ere, Bergaran, Aretxabaletan, Oñatin, Arrasaten eta Urretxun, adibidez. Orain Antzuolan kontsumo taldea sortzeko nahia azaldu dute.