Hamarretakoa eta bazkaria, berriz, Irache hotelean egingo dituzte. Irteerara joan nahi duenak martxoaren 22 eta 23an eman beharko du izena erretiratuen elkartean, 16:00etatik 18:00etara. 30 euro ordaindu beharko ditu bakoitzak.
Bestalde, datorren astelehenean, hilak 21, ibarreko erretiratuen karta-joko txapelketa egingo da Arrasaten. Bertan arituko dira Antzuolako lau bikote: Carmen Egaña eta Sabina Agirre; Manuel Garitano eta Miguel Jauregi; Juanita Zabalo eta Pilar Agirrezabal; eta Miguel Montori eta Benedicto Reinoso.
Urteko batzar orokorra
Erretiratuen elkarteko batzar orokorra egingo dute apirilaren 2an, zapatua. Hiru gai landuko dituzte batzarrean: estatutuetan aldaketak egitea; urteko gora-beherak; eta batzordeko kide batzuk berritzea. Urtero batzordeko hiru lagun berritzea proposatuko dute kideek.