Agirresarobe askok izenez ezagutuko ez badute ere, haren aurpegia askori egingo zaie ezaguna. Gorringo antzerki taldeko kide da, besteak beste, Anjel Alkain, Mikel Pagadizabal eta Ainere Tolosarekin batera. Gorringo taldearen Xabinaitor izeneko lanean parte hartu du Agirresarobek, baita Kutsidazu bidea, Ixabel antzezlan eta filmean ere. Telebistako aurpegi ezaguna ere bada: Brinkola, Wazemank eta Ipupomamua saioetan parte hartu du, besteak beste.
Umorea nagusi
Agirresaroberen ibilbidea ikusita, igartzen da umorezko saioak dituela gustuko. Kale-antzerkian hasi zuen ibilbidea eta egin dituen lan guztietan umorea izan du lehengai.
Antzuolan egingo duen ipuin-kontaketa ere umorez zipriztindua izango da. Domekan 18:00etan izango da kontaketa, Torresoroan.