Erretaula 1993an zaharberritu zuen Ramon Gudiolek. Polikromiak finkatu zizkion, barniz zaharrak garbitu eta desinfektatu. Erretaulak baditu beste zati batzuk, lau ebanjelistenak: San Marcos, San Juan, San Lucas eta San Mateo. Hauek parrokian dagoen pulpituan ikus daitezke. Asmoa da eliza barruan jartzea erretaula, pulpitu inguruan, hau da, erretaula bere osotasunean ikusi nahian.
Bide batez San Frantziskoren margoa ere ekarriko da, berau XVIII. mendekoa, eta elizan jarri nahi da hori ere.
Martxoaren 19an, zabalik
Martxoaren 19an inauguratu nahi dute parrokia. Lan gehienak bukatuta daude, baina oraindik txukuntze-lan batzuk egin behar dituzte.