Proiektuaren asmoa da bailara guztiko 17 herrietako aditz-taulak osatu eta zabaltzea. Orain, Antzuolako aditza argitaratu da. Bertan ahoz gehien entzuten diren formak jaso dira, eta aditz forma horiek idazteko orduan erabiltzeko ere badira. Jone Larrañagak idatzitako Antzuolako hizkera liburua izan da lan honen iturria, eta Maripi Laskurain eta Badihardugu euskara elkartea izan dira koordinatzaileak.
Paperean eta Interneten
Aditz-taula biltzen duen liburuxka paperean argitaratuta dago, eta nahi duenak eskuragarri izango du udaletxera edo liburutegira joanez gero. Bestetik, Internetetik ere eskuratu daiteke lana pdf formatuan: www.antzuola.com eta www.badihardugu.com webguneetatik jaitsi daiteke.