Aurtengo Zinemaldiaren ostean Donostian polemika sortu zen, hirian agertu zen grafiti bat zela-eta, ezabatu edo ez ezabatu eztabaidan ibili ziren Banksy artistak egina ote zen zurrumurrua zabaldu baitzen. Azkenean ezabatu egin zuten. Orain, Antzuolako Eztala futbol zelaiko aldageletako paretan grafiti bat agertu da. Nor izan da egilea? Banksy Antzuolatik pasa al da?
Tomas Agirre Antzuolako Kirol Elkarteko lehendakariarekin hitz egin dugu eta beraiek ez dakite nork marraztu duen grafitia. Gaineratu digu, irudia ez zaiola aproposa iruditzen eta gustatuko litzaiokeela nork egin duen jakitea.
