Aitor Mendizabal antzuolarra da Euskadiko elite mailako lau t'erdiko txapeldun berria. Mendizabalek 22 eta 18 menderatu du Asier Beitia bizkaitarra. Finala Getxon jokatu dute eta, nahiz eta partidaren erdira arte nahikoa parekatuta joan, azken txanpan antzuolarrak Beitia estutu eta garaipena poltsikoratu du.
Hasieran, seina berdindu eta gero, Beitiak aurre hartu dio eta 7 eta 13 galtzen izan da Mendizabal. Ondoren, hamaseina berdintzea lortu du eta, hamazortzina berdindu ostean, lau eta hutseko partzial bati esker nagusitu da Mendizabal. Gaurko garaipenarekin, bi aldiz jantzi du Aitor Mendizabalek Euskadiko lau t'erdiko txapela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.