Antzuolako mus txapelketa urtarrilaren 14an hasiko da

Euskal Herriko mus txapelketa laster izango dela aprobetxatuz, herriko mus txapelketa jokatuko da datozen asteetan. Urtarrilaren 14an izango da lehenengo kanporaketa, eta urtarrilaren 30ean jokatuko da finala Arin jatetxean. Kanporaketa bakarrean parte har dezake bikote batek, eta bikoteka 20 euro ordaindu beharko da.

Kanporaketak izango dira:

  • Mox tabernan, urtarrilaren 14an, 22:15ean
  • Arin jatetxean, urtarrilaren 22an, 16:00etan
  • Eperra elkartean, urtarrilaren 23an, 16:30ean
  • Gailur tabernan, urtarrilaren 28an, 22:15ean

Kanporaketa bakoitzean izena eman duten bikote kopuruaren arabera sailkatuko dira bikoteak finalerako.

Finala urtarrilaren 30ean

Urtarrilaren 30ean jokatuko da finala Arin jatetxean, 16:30ean. Ondoren sari banaketa egingo da eta herrialdekora zeintzuk pasako diren adieraziko da. Gainera, partaide bakoitzak oroigarri bat jasoko du.

Joko sistema

Kanporaketak 8 edo 4 erregetara jokatu daitezke, bikoteen akordioz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.