Lehenengo jokatuko dute Arrasatek eta Bergarak; ondoren, talde galtzaileak Antzuolaren aurka; eta, azkenik talde irabazleak Antzuolaren aurka. 35 minutuko partiduak izango dira eta amaieran sari banaketa egingo dute. Antolatzaileek adierazi dute sari banaketa izango dela 13:15 inguruan.
Alfonso Castroren omenezkoa
Abenduaren 28an, martitzena, Alfonso Castroren omenezkoa jokatuko dute gazteek. Eztalan izango dira lehiak, 10:30etik aurrera. AKEk antolatutako txapelketa izango da.
Herriko neska-mutikoekin egingo dituzte taldeak (zortzi talde). Partiduak jokatuko dituzte zabaleran, 30 minutukoak. Sari banaketa Eztalan izango da baina eguraldi txarra eginez gero eskolako patioan izango da.