Hilaren 24an Olentzero menditik jaitsi eta herrira etorriko da. Goizean zehar Eskolako umeen eta gurasoen eskutik kalejira egingo du Olentzerok herriko kaleetan. Goizeko 11:00etan izango da; herriko alde baten hasi eta bestean bukatuko dute. Umeek Gabonetako doinuak abestuko dituzte.
Arratsalde partean, ostera, Olentzero eta Mari Domingi irtengo dira kalera. Kalejira egingo dute 18:30ean hasita Sanjosepen. Kalebarrengo zubitik Aiherra kalera, eta handik, Sagastitik eta Ondarretik plazara iritsiko dira.
Plazan, umeek aukera izango dute Olentzero eta Mari Domingiri gutunak emateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.