Santo Tomas eguna ospatuko dute gaztetxoek

Eskolak eta Pausokak antolatuta Santo Tomas eguna ospatuko dute herriko gaztetxoek bihar, martitzena. Eskolako patioan egingo dituzte ospakizunak, 14:30etik aurrera.

Orain arte pilotalekuan egin izan dute Santo Tomas feria baina oraingoan eskolako patio berrituan egingo dute. Ikasleek eramango dituzte etxean dituzten animaliak, bestek beste: arrainak, katuak, untxiak... "Ardiren bat ere ekarri izan dute", azaldu dute eskolako arduradunek. Gainera, etxean egindako postreak eramango dituzte eta behin feria amaitutakoan dastatzea egingo dute.

Saski berezia

6. mailako ikasleek saski berezi bat egin dute eta zozketatu egingo dute urte amaierako irteera berezirako dirua lortzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.