Udal zergak ikuskatzeko laguntza kontratatuko du Udalbatzak

Udalbatzak onartu egin du zergak ikuskatzen lagunduko dion zerbitzua kontratatzea. Horretarako 58.000 euroko diru partida onartu du Udalbatzak. Prezio hori egingo diren ikuskapenen eta horietatik aterako diren emaitzen araberakoa izango da. Eguazteneko osoko bilkuran onartu zuten esleipena egiteko jardunbideari hasierako onespena ematea, aldeko bederatzi botorekin. Zutik-Aralar-Ezker Batua udal taldeko bi zinegotziak abstenitu egin ziren.

Enpresa nagusiak

"Fiskalizazioak ondo ematen diren edo ez ikustea da helburua", azaldu zuen alkateak. Horretarako, herriko enpresa nagusiak aztertuko dituzte. Jose Mari Iturbe zinegotziak galdetu zuen ea Udalak ez duen zergak ikuskatzeko baliabiderik. "Zuzenean kanpoko enpresa bat sartzea ez zait egokia iruditzen", gaineratu zuen. Alkateak erantzun zion beste herri batzuetan ere horrelako jarraipenak egiten direla kanpoko enpresak kontratatuz; eta, kasu askotan konturatu direla Udala ez dela guztia kobratzera iritsi. Hau da, fiskalizazioa ez dela ondo eman.

Jarraipena

Enpresei jarraipena egiteak izan dezakeen eraginaren gainean, alkateak esan zuen batak ez duela bestea baldintzatu behar.  "Udalak berari dagokiona eskatuko du", gaineratu zuen. Gauzak ondo egiteko abiapuntua izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.