Espetxe zigorrak Antzuolako herriaren alde lan eginez ordezkatuko ahalko dira

Osoko bilkuran espetxe zigorrak Antzuolako herriaren alde lan eginez ordezkatzeko erreglamendua onartu zuten. Talde politiko guztien onespena izan zuen proposamenak. "Hainbat eskaera izan ditugu eta onartuak izan dira; baina, jabetu gara arautegi bat eskatzen duen gaia dela", azaldu du alkateak. Hala, erreglamendu horren arabera Antzuolan jaio edo bizi direnei zuzenduta dago araudia. Horren harira, Pilar Etxaniz zinegotziak eskatu zuen muga hori kendu eta herritar orori zabaltzea. Baina, eskaera hori ez zuten kontuan izan proposamena bozkatzerako orduan.