Aterpeko atea zabaldu ondoren zinta moztu dute erakundeetako ordezkariek. Jolastokiaren barruan, ostera, herritarrei zuzendu dira. Gaurkoa egun handia dela esan dute erakundeetako ordezkariek; horrelako azpiegitura bat Antzuola bezalako herri batean izatea garrantzitsua dela gaineratu du, Pedro Iturbe alkateak.
Barne kirola egiteko gunea
Udalarendako 2010eko inbertsio handienetarikoa izan da eskolako aterpea. Alkatearen ustez, erabilera askotariko gune bat izango da: alde batetik, eskolako umeendako toki eroso bat izango da; eta, bestetik, balioko du herriko taldeek euren aktibitateak egiteko, edo edozein ekitaldi antolatzeko.Modu honetan, gainera, Antzuolan barne kirola egiteko zegoen hutsunea beteko dute.
Alvaro Perez de Amezaga arkitektoa
Aterpearen proiektua Alvaro Perez de Amezaga arkitektoak egin du eta aurrekontua izan da 789.000 eurokoa.