Zundaketak egiten hasi dira AHTren obretarako lurretan

AHTren Angiozartik Ezkiorako zatiaren oinarrizko proiektua egiteke dago oraindik, eta horretarako Antzuolako hainbat lurretan abuztuan eta irailean zundaketak egin dituzte. Zundaketak egiteko lur jabeen baimena behar zuten, baina lur jabeek eskatu zuten baimenak eman aurretik AHTren Antzuolako zatiaren gaineko informazioa jasotzea. Informaziorik ez zuten eman, baina abuztuaren hasieran berriz lur jabeei deika hasi ziren baimenak eskatzeko, eta batzuek eman egin dute.