Herritarrek AHT proiektuaren gainean jarritako 10 alegazio jaso dituzte udaletxean. Bergara eta Antzuola tarteko desjabetzeen espedientea bidali zuten Udalera Aste Santua aurretik; hala, Udalak proiektua ikusgai izan du egunotan. Autobidearen gaineko alegazioak, ostera, hilaren 20ra arte aurkez daitezke.
Udalak, bere aldetik, alegazioa jarriko dio Abiadura Handiko Trenaren proiektuari, eta baita autobiari ere. "Eskatuko dugu ura, bideak... mantentzea", azaldu du Valen Moñux Udaleko aparejadoreak. Gainera, eskatuko dute bi proiektuak koordinatuta egotea, eta obra-hondakindegi bera erabil dezatela.
"Oposizio zuzena"
Gainera, AHT proiektuari "oposizio zuzena" egingo dio Udalak.
Autobidea: apirilak 20
Beasain Durango autobideko Bergara eta Zumarraga arteko zatiaren gainean alegazioak aurkezteko epea apirilaren 20an, martitzena, amaituko da.
Herritarrek Udaletxera jo dezakete alegazioa aurkezteko; modu horretan, Udala arduratuko da alegazioa idazteaz eta tramitatzeaz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak