Zaborra
Onartu dituzten igoeren artean, zaborraren tasaren igoera da aipagarriena; Debagoieneko Mankomunitateak proposatzen ditu tasak. 2008an tasa horrek izango du %13,9ko igoera. Herritarrek ordaindu beharko dute 18 bat euro hiru hilabetean behin. Horixe izan zen, gainera, eztabaida piztu zuen gaietako bat. EAJko kideek desadostasuna adierazi zuten; igoeraren arrazoi nagusia da San Markoseko (Donostialdea) zaborrak eramango direla Sasietara (Goierri).
Ika-mikak sortu zituen, bestalde, beste tasa batek: berritze lanetan lurzoru publikoa okupatzeagatik kobratzen dituzten tasen gaiak. Izan ere, EAJk eskatu zuen babestutako eraikinek, Elizak kasu, ez ordaindu behar izatea tasa hori. Ez zuten onartu proposamena, eztabaida luze baten ondoren.
Aipagarrienak
Zaborra
Igoera handiena zaborraren tasak izango du: %13,9, hain zuzen ere.
Ibilgailuen gaineko zerga
Turismoen zergek %2,6ko igoera izango dute.
Lurperatzea
Harresbil enpresaren zerbitzuarengatik, 647,43 euro.
Obren gaineko zerga
Gehienezko portzentajea mantendu egiten da: %5, hain zuzen ere.