Ez da ez nolanahikoa Toti Martinez de Lezea idazleak duen arrakasta. Antzuolako Itzar liburu dendak 30 urte bete dituela-eta, hango Kontxi Laskurainek gonbidatuta, hitzaldia egin zuen egubakoitzean dendan. Berbaldiaren aurretik eta ondoren liburuak sinatzen egon zen eta makina bat zale gerturatu zitzaion.
Gero, 80 lagunen aurrean bi orduz egin zuen berba bere idazle ibilbidearen, bere liburuen eta baita kritiken gainean ere. Amaieran jakinarazi zuen datorren astean argitaratuko dela Nur-en hirugarren liburua eta otsailean hurrengo eleberri historikoa.