Liburutegian umeendako ipuin kontaketa saioak antolatzen dituzte noizean behin eta asmoa da urtean behin gutxienez gazte eta helduek ere izatea idazleekin bertatik bertara berba egiteko aukera.
Ipuin kontaketa eta ikastaroa
Bestalde, martxoaren 14an, egubakoitzean, Mercedes Carrion Peruko ipuin kontalariaren saioa izango da 11:00etan Herri Eskolan. Los cuentos de la bruja arruguitas umeendako ikuskizunean ipuinak eta magia uztartuko ditu.
Horretaz gain, ikastaroa ere antolatu dute 0 eta 3 urte arteko umeen jolasak eta kantak ikasteko gurasoek: esku jolasak, korru jolasak, zabuetan ibiltzekoak, mimika jolasak, trebetasun jolasak, lo kantak, jatekoak, altzoan hartu eta kantatzekoak, errezitatzekoak…
Apirilaren 8an, 15ean eta 22an izango dira saioak 18:00etatik 20:00etara bitartean. Izena emateko azken eguna martxoaren 14a da eta liburutegira edo udaletxera jo behar dute interesatuek.