Iazko bilketarekin alderatuta apur bat gehiago jaso dute aurten; hiru kaxa gehiago, hain zuzen ere. Gainera, oraingoan produktuak ere gehiago izan dira, aurrekoan ez baitzen konpresarik, garbantzurik, babarik, sardinarik eta oliorik jaso.
Jatekoez gain, dirua ere bidali zuten iaz, 2.275 euro, horietatik 725 euro Santa Ageda eskean jasotakoak. Aurten ere bidaliko dute, baina oraindik zehaztu gabe dago zenbat.
Eskerrak
Anelkarrek bultzatu du Sahararako laguntza bidaltzeko kanpaina eta elkartekoak gustura daude emaitzarekin, bai jasotakoarekin, baita Sahararen gaineko hitzaldian 30 lagun izan zirelako ere. Eskerrak eman nahi dizkiete laguntza eman duten herritarrei, Herri Eskolari, kanpaina antolatzen eta gauzak jasotzen egindakolanarengatik, eta Aixa, Eroski eta Kalebarren dendei, horietan jaso baitira produktuak.