Valen Moñux Udaleko aparejadoreak eta Juanlu Aranburu Kultura teknikariak eman zizkieten Sagastiko eraikinaren gaineko azalpenak.
Beheko solairuan egongo dira anbulatorioa, liburutegia, aldagelak eta erabilera askotariko aretoa. Areto hori erabiliko da hitzaldiak, antzerki eta zinema emanaldiak eta erakusketak egiteko, besteak beste.
Lehenengo solairuan eguneko zentroa eta erretiratuen lokalak egingo dituzte. Azkeneko solairuan babespeko lau etxebizitza egingo dituzte, adineko jendearendako.
Eraikinaren lanak udaberrirako bukatzea espero dute Udaleko arduradunek. Aurten bukatzekoak ziren, baina atzerapena izan dute. Eraikina bukatuta, gero geratuko da egoitzak hornitzea eta jarduerak martxan jartzea.
Larrugintza zentroa
Ondoren, Telleria etxean egingo duten Larrugintzaren Interpretazioa Zentroa bisitatu zuten, Josu Tellabide proiektuaren arduradunaren laguntzarekin.
Udaleko arduradunek espero dute egoitza bukatuta egongo dela 2008. urterako, eta hurrengo urterako zentro hori irekitzeko asmoa dute.